| تبليغات | X |
http://azeribooks.aznet.org/azeribooks/English/e_library/Nagillar_volume1/nagillar_volume1.html
آناسی اونا دئیر
ای منیم گؤزل بالام
من گرک یادان سالام
دیشلرین مسواک ائله
غذالاردان پاک ائله
دیش گرک سارالمییا
دیبلری قارالمییا»
كيبريت ساتان اوشاق
بهروز ايمانی
تبريزدن اورمويا و اورمودان تبريزه گئدن ماشينلاري داشييان 4 گميدن ايكيسي ايشلهييردي. اونا گؤرهده هر ايكي طرفده دايانان ماشينلارين ساييسي چوخاليردي. ياي گونشينين كسگين ايستيسي گمي گؤزتچيلريني آرتيق ناراحات ائتسهده، هر ايكي ساحيلده، خوصوصي ايله تبريز قولوندا يئرلشن ساتيجيلار ( بو دورومدان اولدوقجا) سئوينيرديلر. بو سئوينج يالنيز چارداخ صاحيبلرينه عاييد دئييلدير، اونلارين آرتيق الده شوكولات، شكرچورهيي، و بو كيمي شئيلر ساتماغا و واكس وورماغا چاليشان كيچيك ياشلي اوشاقلارين سئوينجي هاميدان بتر ايدي. ساتيجي اوشاقلارين بعضيلري چاليشيردي. زورلا يولچولارا (مسافرلره) شئي ساتسين، آمّا قيراقدا اؤزونه غورور و تمكينله دايانان يئددي ـ سگگير ياشلي كيبريت ساتان قيز جيغازين گؤركمي بير چوخلاريني جلب ائتسهده، چوخلاري سايماز يانا اؤتوب كئچيرديلر. تورپاق رنگلي پاترون سورچوسو و اونون يولداشلاري كيبريت ساتان قيزا ياخينلاشاراق سوروشدولار:
ـ كيبريتلرين بيري نئچهدير؟
دانيشماغا بئله اينجاري اولمايان، جاماعاتين آزليغي و چوخلوغونا مئيلسيز اولان اوشاق: بيري 5 تومن دير ـ دئيه جاواب وئردي. اونلارين اوشاغا اورهكلري يانماق نيّتي ايله هرهسي بير باغلي كيبريت آليب، بئش تومن عوضينه، هاميسي اللي تومن وئريب، اؤز يوللاريني توتوب گئتمهيه باشلاديلار و قالان پوللاريني ايسه قصداً قيز جيغازا باغيشلاماق ايستهديلر.
اونلارين بو رفتاريني سئومهين و خوشلامايان قيز داليدان اونلاري سسلهسه ده، بو آداملار اونا محل قويماراق، يئيين آدديملارلا ماشينلارينا و گمي ـ يه دوغرو گئتمك ايستهييرديلر. اونلارين بيري، اؤز يولداشلارينا اوز توتوب دئدي:
ـ يازيق قيزين اوزونو گون ائله قارالديب كي آدامين قيزا اورهيي يانير.
باشقاسي اونون سؤزونون داواميندا دئدي: ياخشي اولدوكي، اونا آرتيق پول وئرديك، كاشكي، هامي بيزيم كيمين اونا يارديم ائلهسين. بير آيريسي، منه ائله گليركي، قيزين آتاسي يوخدور، اولسادا مؤعتاددير و يا ...
اونلار بو كيمي سؤزلري ردّ ـ بدل ائلهديكلري حالدا قيز پاترونون شوشهسيني دؤيدو. قيزين اونلارا موراجيعت ائلهمهسيندن حئيرتلهنن پاترون سوروجوسو، تعجّوبله ماشينين شوشهسيني آچيب هه دئدي. گؤروم سؤزون نهدير؟ دئيه سوروشدوقدا: قيز جاواب وئريب، دئدي كي، هئچ سؤزوم يوخدور، گلديم پوللارينيزين قالانيني وئريم. بيزيم پولون قالاني يوخدور.
قيز:
ـ نييه واردير، ائله بيليرسيز سهو ائلهييبسيز، بئش تومن يئرينه اللي تومن وئريب، اؤزوده قويوب گئديرسيز.
اونلاردان بير آيريسي يوموشاق بير ايفاده ايله! قيزيم، بيليريك، آنجاق ايستهديك، سن آرتيق قازاناسان.
قيز ناراضي حالدا:
ـ يوخ بويورون پولونوزون قالانيني آلين، دئديك. اونلار بير داها پوللارينين قالانيني قطعيّتله ايستهمهديكده قيز، اونلارين اللي تومنيني قايتاريب، دئدي:
ـ ايستهميرسيز، اوندا كيبريتلريمي وئرين، پوللارينيزي آلين.
بونلار گؤردولر قيز ناراحات اولور، مجبوري حالدا پوللارينين قالانيني آليب، گمي ـ يه گئتديلر. اونلار گمي ـ يه داخيل اولماق همن گمي حركت ائلهييب، سولاري يارا ـ يارا اورمو ساحيلينه دوغرو حركت ائديردي.
قيز ايسه اؤز يئرينه قاييديب اؤز ـ اؤزونه دئينيردي: ائله بيل ديلنچييم، منه پول باغيشلاييرلار.
ئوز وئبلاگینیزا خوش گلیب سینیز . منیم آدیم « آیدین » دیر . سیزده ئوز آدینیزی منه یازیب و میل وورون تا سیزین ایچین اودول ( جایزه ) یوللاییم .
ایندی ایسه بو زاماندا آذربایجانین و ئولکه میزین گله جکی ( آینده سی ) سیزین الینیزده دیر . پس گلین ایندی دن سیز ئوز دیلیمزی یاخشی ئویره نین . منده سیزه یاردیم ( کمک ) ائده رم .
ایندی سیز و بو سیزین وئبلاگینیز .